La3allo Khair - لعله خير

[المقطع الأول]
النجوم مرصوصة كده رصة أبهة
واللي كان حازز في قلبي خلاص إنتهى
النجوم مرصوصة كده رصة أبهة
واللي كان حازز في قلبي خلاص إنتهى
فرصة سعيدة أيها الليل اللي جي
الضلمة بتبروز ساعات في القلب ضي
وفرصة سعيدة أيها الليل اللي جي
الضلمة بتبروز ساعات في القلب ضي

[اللازمة]
ولعله خير، لعله خير
يا نجوم بترقص في السما لعله خير
لعله خير، لعله خير
يا نجوم بترقص في السما لعله خير

[المقطع الثاني]
سكر خفيف الشاي عملته وجيت
وقلت بس ياريت الدنيا تسمعني
ورا الإزاز واقف موارب شيش
ومن الليلادي مافيش قوة هتمنعني
قال القمر قرب هنا أسهر معاك
عندي خبر بس إنت رد الباب وراك
قال القمر قرب هنا أسهر معاك
عندي خبر بس إنت رد الباب وراك

[اللازمة]
ولعله خير، لعله خير
إيه اللي عندك يا قمر لعله خير
لعله خير، لعله خير
إيه اللي عندك يا قمر لعله خير

[المقطع الثالث]
ياما وقعنا في الطريق ونقوم
لا حزن كان بيدوم ولا جرح بيطول
وتخونني خطوة أمشي خطوة كمان
ألقى طريقي يبان أسهل من الأول
بان من بعيد الشمس جاية تقول سلام
يومي الجديد رفرف على جناح الحمام
بان من بعيد الشمس جاية تقول سلام
يومي الجديد رفرف على جناح الحمام

[اللازمة]
ولعله خير، لعله خير
دي الشمس جايه في وقتها لعله خير
لعله خير، لعله خير
دي الشمس جايه في وقتها لعله خير