من شو بتشكي بيروت

بعدهن ع الشرفة الكرستين، مبرومين لصوب الشمس
والمنفضة والقناني وشقف، من حديث ليلة أمس
وعتمة الليل بترجع لي، العتمة اللي حسّيتها بوجودك حدّي
بالبلديّة المطفاية، اللي أصلاً ضوّا ما بودّي
فكرك إذا فلّيت، فكرك إذا فلّيت
رح بتلاقي عشتروت؟

وثيابنا اللي ريحتها دخني، بعدها مشلوحة ع الأرض
وأحلامنا كمان مشلوحة ع سلّم حملنا كثير بالعرض
فكرك إذا فلّيت، فكرك إذا فلّيت
رح بتلاقي عشتروت؟
يا اللّي بدّو يفل، يا اللّي بدّو يروح
مش إنت كمان، قل لّي مش إنت كمان
كنت مفكّرك مبسوط، من شو بتشكي بيروت؟

فكرك إذا فلّيت، فكرك إذا فلّيت
رح بتلاقي عشتروت؟
يا اللّي بدّو يفل، يا اللّي بدّو يروح
مش إنت كمان، كمان
كنت مفكّرك مبسوط، من شو بتشكي بيروت؟