كل يوم
Eslam Moez
كل يوم بيفوت ويمشي ساب أكيد جواك علامة
ذكريات مع ناس نظيفة أو مآسي وناس لمامة
اللي حبك رغم حملك شال معك الحمل ياما
واللي مهما بيبتسم لك في صفار في الاِبتسامة
اللي سابك غصب عنه واللي أديك اِرتحت منه
واللي مش ممكن تقابله ثاني غير يوم القيامة
ثاني غير يوم القيامة
اللي بالغالي اشتريتهم لما كانوا عيال يتامى
بس طلعوا معندهمش لو بربع جنيه شهامة
اللي عاش وحقيقته واضحة واللي لسه عليه غيامة
خير عملته خذت ثمنه خير دفعت عليه غرامة
اللي سابك غصب عنه واللي أديك اِرتحت منه
واللي مش ممكن تقابله ثاني غير يوم القيامة
ثاني غير يوم القيامة
واللي مش ممكن تقابله ثاني غير يوم القيامة
ثاني غير يوم القيامة