يا بحر مالك حزين [Original]
Sameer Altayer
يا بحر مالك حزين يا بحر مالك حزين يا شط مالك جريح
بتبكي ع المظلومين ولا علي المجاريح
ولا بتبكي قلوب مش عارفه إيه مكتوب
بين الفراق واللقا تايهه في مهب الريح
يا بحر ده حال البشر يا بحر ده طبع الزمن
ناس تسرق الأحلام وناس هي اللي تدفع التمن
ماهو طول مافي إنسان بيكره ضحكة الإنسان
الحب لازم يتوه في الإسم والعنوان
وازاي نفكر في بكره واحنا مش عارفين
نهرب من الماضي ولا نفارق الأحزان
مشوار عجيب من أوله مكتوب علينا نكمله
مشوار عجيب من أوله مكتوب علينا نكمله
وعشان يعيش الورد لازم أي شوك نتحمله
وعشان يعيش الورد لازم أي شوك نتحمله