كان ياما كان

كان ياما كان فلانة فلان
وحيدة وقلبها بردان
حزينة و وردها ذبلان
بتديها الحياة فستان
متلقاش ليها منه مقاس

كان ياما كان فلانه فلان
ما عندها الظروف تخبيط
وساحبها لبحر غويط
وهي مناها حلم بسيط
وبيت دافي وحضن أمان

سنين أحزان ما شافت فيها ليل هادي
ولا روح من الوجع خالية
بتكسب حاجة من العادي
وتخسر حاجة من الغالية وآه

واحدة بتنهار وتقوم
وسط الحياة) ولا حد حاسس بيها)
جواها سرب هموم
ذبحوها يا) ولا حد سمى عليها)
عكس التيار بتعوم
وكسرها الموج) وهي فاردة إيديها)
حتى شوفوا عينيها، عينيها شايلين وجع مكتوم

قدام الناس بتقول
رغم الظروف) مش هتكسر يا سنيني)
تقفل عليها الباب
يسكنها خوف) وتقول يا حيطة داريني)
عيني يا بنت الناس دي الشيلة
صعبة عليكي وساكنة فيك الآه
يا با آه

كان ياما كان فلانة فلان
وراها قصة من الماضي
شبح مجهول ومش راضي
يسيبها تعيش وده العادي
من الدنيا ومن الأيام

كان ياما كان فلانة فلان
مفيش قدمها إلا طريق
وقلب جبان وعقل جرئ
يا تبقى نهايته بلت ريق
يا تلقى في آخره موت أحزان

سنين أحزان ما شافت فيها ليل هادي
ولا روح من الوجع خالية
بتكسب حاجة من العادي
وتخسر حاجة من الغالية وآه

واحدة بتنهار وتقوم
وسط الحياة) ولا حد حاسس بيها)
جواها سرب هموم
ذبحوها يا) ولا حد سمى عليها)
عكس التيار بتعوم
وكسرها الموج) وهي فاردة إيديها)
حتى شوفوا عينيها، عينيها شايلين وجع مكتوم

قدام الناس بتقول
رغم الظروف) مش هتكسر يا سنيني)
تقفل عليها الباب
يسكنها خوف) وتقول يا حيطة داريني)
عيني يا بنت الناس دي الشيلة
صعبة عليكي وساكنة فيك الآه
يا با آه
كان ياما كان