خليها على الله
يا اللي إنت خليت السما بالشمس بتنور
وهلال بيتحول قمر سبحان من صور
إنت اللي عارف نيتي وبرحمتك عارفاك
مطرح ما عيني تلتفت في كل شيء شايفاك
في فرحة اللي مصلي الفرض
في سجدة المؤمن ع الأرض
في رضاك عني يا أمي اللي محلي الحياة
في نصيحة أبويا ليّ خليها على الله
بذوب في حبي لربنا ومحبته عبادة
النية صافية وجنبها سبحة وسجادة
بنسى عذابي وشكوتي لما أفضفض ليه
وأنده عليه في وحدتي قبل الندا ألاقيه
في فرحة اللي مصلي الفرض
في سجدة المؤمن ع الأرض
يا اللي إنت أقرب لي مني
عمرك ما كنت بعيد
الكون ده كله يمكن
وانت بس اللي أكيد
يا رب
بحق ما شقيت لموسى جوة البحر طريق
بحق ما رزقت مريم مية تبل الريق
بحق ما حفظت يونس جوة في بطن الحوت
بحق ما نجدت إبراهيم من اللهب والموت
بحق يوسف الأمين على تلال المال
بحق أيوب ما صبر صبره يهز جبال
ترزقني ضي في سكتي وكتابي باليمين
وتصلي على سيدنا النبي إمام المرسلين
عليه الصلاة والسلام
بذوب في حبي لربنا ومحبته عبادة
النية صافية وجنبها سبحة وسجادة
بنسى عذابي وشكوتي لما أفضفض ليه
وأنده عليه في وحدتي قبل الندا ألاقيه
في فرحة اللي مصلي الفرض
في سجدة المؤمن