Humnasheen

Na soya barso se mai raatein kaee,
Fir bhi teri yaadein hai jaati nahi.
Tu aarzoo meri, taraane humnasheen,
Dararein humarein hi beech aagayi. (×2)

Verse: 1 - Gravity
Mai teri yaadon mein ghumu awara,
Zinda hu yaar, na koi hai chaara.
Tujhe yeh daastan sunake,
Na jaane kitno ki jaane bacha raha.
Jeene ki wajah deke mujhe maar diya,
Tune yeh mera kya haal kiya?
Maine fir khudko sawaar liya....
Par teri, par teri kami ab hoti mehsoos,
Dil mein na rahi tu mere mehfooz,
Tujhe kaise mai jau ab bhool?
Pehle tu bani mehboob,
Jo sapne gaye woh toot.
Bacha na koi wajood....

Bridge
Dekhi meri aakhon ne raahein kaee,
Dekhi barsatein, fizaayein kaee.
Bana kyu badnaseeb,
Mai tere jeete-jee?
Tu meri dawa se kaza ho gayi.

Hook
Na soya barso se mai raatein kaee,
Fir bhi teri yaadein hai jaati nahi.
Tu aarzoo meri, taraane humnasheen,
Dararein humarein hi beech aagayi.

Verse: Bella
Tumse hi kyu mile?
Duaon ko badal deti ho nafrat mein,
Mai ab bhi baitha rehta hu uss panghat pe.
Tune bewafa dhokha de diya,
Baatein ban rahi hai.
Tu sab jaanti hai par chaalak ban rahi hai.
Neend na aaye, maine coffee pi,
Duniya ne feel meri copy ki.
Yaadon mein taapu mai 220,
Bin tere hoti mujhe OCD.
Zara usse call laga oh Siri,
Rude boy bole mujhe meri RiRi.
Hu mai baarvi ke baad se hi aashiq nahi,
Par tere liye phir se ki aashiqui.
Kara maine phone off, rehta hu band mere studio mein hi.
I wanna love usse jo tu hai hi nahi,
Woh bole dhundhna usse jo hai hi nahi.
Blur hone lagi teri photo in my mind,
Mai tanha ho gaya...

Hook
Na soya barso se mai raatein kaee,
Fir bhi teri yaadein hai jaati nahi.
Tu aarzoo meri, taraane humnasheen,
Dararein humarein hi beech aagayi.