Silver De Lange [Live]

Die konsertina kerm al sy verlange
In die hande van ou Silver de Lange
Hy't gespeel van die liefde, maar hy was 'n eensame man

Ja, ou Silver hy't die pad alleen geloop
En gedwaal soos net 'n swerwer kan
Dalk 'n bottel in die hand om die wêreld se skerpkant
Weg te brand

Dis 'n geleende konsertina vir 'n arm man
Wat kon speel beter as 'n ander kan
As die Vyf-Dagbrekers op die radio grammofoon speel

Ja, die wêreld's nog dieselfde ou Silver
Hy's hard en hy's voos en hy's boos
Het jy alleen gespeel en musiek gemaak
Toe jou hande aan die stilte raak

O, speel hom, Silver, speel hom weer
Speel hom Silver, nog 'n keer
En die konsertina kerm verlange in die hande van Silver, Silver de Lange

Daar kom die paaie van die ou musikante
By die kruising van die hemel se rante
En 'n man hoef nie meer vir 'n sjieling op 'n dag te speel

En dan wonder ek hoe baie, baie harte
Het ou Silver in sy lewe gesteel
Maar die konsertina's nou sy weduwee
Hy't sy hart net vir haar gegee

En watter vrou het gekyk in jou oë se blou
As jou vingers om die wheatstone se note vou
Wie het die hartseer man teen haar bors getroos

Ja, die wêreld's nog dieselfde ou Silver
Hy's hard en hy's voos en hy's boos
Het jy alleen gespeel en musiek gemaak
Toe jou hande aan die stilte raak

O, speel hom, Silver, speel hom weer
Speel hom Silver, nog 'n keer
En die konsertina kerm verlange in die hande van Silver, Silver de Lange

Charles