Napule sotto e ’ncoppa
Giuseppe Marotta, Carlo Concina
[Testo di "Napule sotto e 'ncoppa"]
[Strofa]
Dint'a ’na varca, stiso a Margellina
Aspetto ll'ora 'e chiagnere
E mmiezz’a ll'onne veco n'ata Napule
Ll'albere, 'e case, 'e strade d'a Marina
Quase 'ncantate scennono
Dint’a ’stu specchio antico verde e blu
[Ritornello]
Comm'è bella sotto e ’ncoppa
Chesta Napule
Comm'è doce dint'a all'acqua
Comm’è tennera
Senza gente, senza voce, senza 'e te
Dorme e veglia, morta e viva
'Nnanz'a mme
Comm'è bella, comm'è doce
Chesta Napule
Né futuro né passato nce po' truvà
Ogni no ca tu dicive
È nu sì ca 'na gioia me dà
Mentre, fatta d'acqua 'e mare
Suspira Napule
[Bridge]
Ogni no ca tu dicive
È nu sì ca 'na gioia me dà
Mentre, fatta d'acqua 'e mare
Suspira Napule
[Outro]
Dint'a 'na varca, stiso a Margellina...