Uski Kitab

Talashi usne itni bhaari zimmedaariyan
Aur baaki duniya ne khuredi uski khamiyan
Timtimata tha vo chehra bina baatke
Aaj vo chup, kehti kismat thoda saath de
Ye dastaan ek ladki ki jisne hai
Seekha zindagi ko jeena doosro se kaafi hatke
Chatra Chaya me rehne ka mauka mila nahi
Vo bholepan me pooche kya hote hain ye sadme
Aur bhapke hain khaye usne aate jaate sabse
Kis shabd se batau uske beete kaise pal hain
Jab jeene ki poori wajeh ho cheeni oopar wale ne
To ikcha jeene ki na hoti bilkul apne bas me
Chatvi class thi vo aur maa ki jaan thi vo
Roye roz dekhe maa ko badhte itne dard me
Bone TB ko smjhne ki umar nahi thi uski
Jab toda dumm uski maa ne uske haath me
Ab uske paas me aisa bacha tha koi nahi
Jo sar pe sehlaye ya godi me lele pyar se
Ek badi behen thi jo maut ko smjhne layak
Itni badi nahi ki maa ke jaise vo paal paye
Aur pita ka dard to sirf wahi jaane
Jo kosta roz khudko vo bolta roz ke
Ilaaj ke paiso me bilkul kami na rehti
To tu paas me rehti
Bin tere saans hai gehri bas ab
Ye choti jaan kaise jeeyegi tere bina
Insaani manzar kaise jhelegi tere bina
Tune socha nahi ek baari bhi
Ke pathhar banna hoga komal haatho ko tere bina
Aur uska chehra firbhi haste hue dekhta tha
Uske saath uska apna koi bhi nek na tha
Bohot mushkil se kehti thi apne baare
Muskurake usne aasu nikaale aur fir vo kehti ke
Life can be dangerous, that's what I know now
Life can be dangerous
Give up? Well that's not me
Wake up from the fantasy
Stand up on my own feet
I'm ready look at me
Jab saaf suthre kapde pehne bachhe aate school
Vo kone me thi baithi rehti kapde pe ho dhool
Jab tiffin khole bachhe haste hue khaate peete
Vo bhookh sehte soche kab lungi nye shoes
Aur dikhta tha sabko bas marks ka thikana
Sab kehte jhoot bolti, bas karti hai bahana
Fir dheere dheere usne sab smjhana bhi choda
Jab kuch chehro ke kaaran usne khudko marora
Tumko yaad hai na? Jab neecha the dikhate usko
Yaad hai na? Jab keechad tum failate uspe
Yaad hai na? Jab nazro me girate usko
Tumko yaad hai na? kyuki yaadein meri taaza
Har ek naam jo tha, vo meri zubaan pe bhi aara
Par chor tujhko tera khuda dhundega
Jitna marzi bhaagle tu kal bhogega
Sataye insaan ko sataya tune aur
Na hoga koi prahaar, tujhko karam todega
Zamana bolne laga inn ka aage kya hoga
Rehti hai akele inke ghar me bhi koi na
In baato ka asar uski zindagi pe padne laga
Isaano se nafrat, usko dar lagne laga
Har disha me gidhh jaise nochna vo chah re
Uski behen aur vo khudko akele hee bachare
Papa paiso ki koshish me ghar kabhi kabhi aate
Rishtedar tab ghuske ghinoni harkat karke jaate
Ishtehaar bhi chapte to doshi ladki ko thehraate
Iss baat ke chalte kisine bola kuch bhi nahi
Mai rehta uske saath, hamne dekhe vo din kyi
Aaye ghane badal, olon se hua tha sar khooni
Badan me the teer, ham tab bhi bhikhre nahi
Dikhne lagi roads aur thodi badhi thi hope
Samay ghav bharne lage, hambhi rehte khush
Fir covid shuru hua, enough lives it took
Uske papa baithe ghar kaise bhookh hoti kuch
Ek din unki saans ghatne si lagi Madad ke liye bas vo do bacchiya hee bachi
Ilaaj ka thikana nahi, covid jaise apraadh tha
6 December 2020, uncle ne tha toda dam
Khabar maine suni poora badan pada numb
Vo royi firbhi nahi, bas kehti mai hee kyu
Mammi ka chehra ab mai bhulane lagi thi
Papa hee the mere unse saansien judi thi
Koi smjhega nahi hafto soye hum nahi
Usko kehdete mai kya mai khud bhi tha wahi
Kisika intezar zindagi ye karti kab hai
Kisike jaane par 2 din tak aate sab ghar hain
Par asal baat to hoti hai kaafi chubhne wali
Jab bhool jaate log to bachta hai bas ek hee maali
Uss oopar waale ko hee sab dena padta
Thodi meherbaani karna thodi haami bharna
Itna hee to maanga maine tune vo bhi na diya
Bachpan ki dost se meri sab kuch tune cheen liya
Ab aksar hai chubhta mujhko khudka mera parivar
Jab sabko mai dekhta hu khelte har shanivar
Usne thi kari vo aisi kaunsi galti
Tha pashchataap jisme khona pada poora usko parivar
Uske mama hain eklaute uska saath de sake
Usko mili hai panah jo unke saath vo rahe
Unki hee wajah se rakhta thodi hope
With him by our side it gets easier to cope
Kasar uski kam nahi vo zinda rehti roz
Dagar uski tham gyi vo udna chahti aur
Anganit khayal, usko rona nahi hai aur
Cheekh ke mai maangu khatam ho jaye ye daur
Life can be dangerous, that's what I know now
Life can be dangerous
Give up? Well that's not me
Wake up from the fantasy
Stand up on my own feet
I'm ready look at me