Verlang Jy My

Ek maak my woorde minder met korter sinne
En ek begin weer aan jou dink
Ek staan heel agter word al hoe sagter
Asof ek wag vir iemand in ‘n groot vertrek
Dis amper leeg want dis net ek wat hier alleen staan
Wil nie so aangaan

Spyt kom soms te laat
Miskien het ons te gou gepraat?
So sê my

Verlang jy my as ek nie by jou is waar jy nou staan nie
Verlang jy na die beter dae wat jy nog saam my was?
Want ekke mis elke ding van jou en hoe ek nou veel eerder jou sou vashou
Sê my verlang jy my want ek mis vir jou

Die nagte voel al hoe langer ek word hoe banger
Ek's in ‘n gang wat donker is
Ek sien geen einde of lig wat skyn in
Hierdie mynskag in my hart wat vir jou wag
Ek hoor jou stem maar dis so sag
En nie wat jy sê (Nie wat jy sê)
Of wat ek wil hê

Spyt kom soms te laat
Miskien het ons te gou gepraat?
So sê my

Verlang jy my as ek nie by jou is waar jy nou staan nie
Verlang jy na die beter dae wat jy nog saam my was?
Want ekke mis elke ding van jou en hoe ek nou veel eerder jou sou vashou
Sê my verlang jy my want ek mis vir jou

Maar as die mis te veel raak
En al die trane seermaak
Dan kyk ek op en sien dieslefde lig wat jy sien

Jy weet ek voel wat jy voel
Jy weet ek is vir jou bedoel
Maar spyt kom soms te laat
Miskien het ons te gou gepraat?

Verlang jy my as ek nie by jou is waar jy nou staan nie
Verlang jy na die beter dae wat jy nog saam my was?
Want ekke mis elke ding van jou en hoe ek nou veel eerder jou sou vashou
Sê my verlang jy my want ek mis vir jou
Sê my verlang jy my want ek mis vir jou