Al Paradiso Dello Scorpione

E adèss che g'ho in sacòcia la foto de una
I scàrp i tàchen liit e i sànn pioe che strada ciapà
E adèss che quaranta corvi i fànn pussee casòtt de la banda
Se gh'è un patrono dei "faciademerda"
Ghe dumandi "se g'ho de fa"

E senta che spuzza de infernu e lavanda
Me paar de cugnuss pioe gnanca i vestii
E urmai el muund el me paar una giànda
Perchè anca stasìra sun vegnuu in questu siit

E alùra scià raccatti l'umbria de tèra e
Passi soe cui man in soe la ringhiera, poe
La maitresse la veert el so' purton
Il peccato l'è la sua prufession
Bentornato signore al paradiis del scurpiòn
Al paradiis del scurpiòn

E adèss che la mia camìsa l'è giò soel pavimeent de la stanza
E una dona che paar un'anguila la manèggia mudaand e lenzöö
Di fuori qualcuno mi cerca su di un'Alfa con scritto Finanza
Ma se'l demoni el g'ha una butèglia questa dona l'è el so pedriöö

Se voeret savè in duvè g'ho la decenza
Proeva a vardà ne la tazza del cèss, o yesss
Perchè Belzebù el g'ha daa la licenza
E'l so suriis l'è una reet per i pèss
E alùra giò ruvìnum un'oltra vòlta che
El materàss l'è un disco che sòlta ma
De foe me spècia la bùca della presòn
La cartulèna mandala al Bassòn
Tanti saluti e un bacio
Dal paradiis del scurpiòn