Television

L'è capitaa tücoos in quéla televisiòn
E la vardàvum al bar traa là in söl bancùn
Facc in biaanch e negru che i passàven a manétta
El muund in biaanche e negru in quéla scatulétta
Prema ghe n'é vön che canta una canzòn
E dopu i suspenden la trasmissiùn
Hann cupàa un Presideent, pulizia, che casòtt
una machina giù a Dallas, senza la capòt
Hann dii che l'era bràvu, hann dii che l'era bònn
Però i g'hann sparaa giù de'n balcòn
Hann dii che l'era bravu e l'ha faa tanti prumess
E tanti americani i piàngen ammò adéss

Televisiòn, quanti dé, quanti nocc cun quél butòn
Televisiòn, quanti dé, quanti nòcc sö quii pultrùnn

E noen in Italia viagiàvum in Cinceent
E cambiàvum tanti roba a segùnda del veent
Rüvàva el carosello cun tücc i nuvità
Che noen el dé dopu nàvum a crumpà
El Papa de Bérgum che parlàva cume noen
G'a faa fina sugnà de vés püssé bòn
Ancamò incöö che i henn passàa tanti ann
In cà di italiani gh'è ammò el Papa Giuvànn
Magari pugiàa sura la televisiòn
Mentre parlen de Sanremo, de guéra o de balòn

Televisiòn, quanti dé, quanti nocc cun quél butòn
Televisiòn, quanti dé, quanti nòcc sö quii pultrùnn, yes

E quaand che i partiit i henn diventaa a culuu
L'é staa cumé quaand dopo la pioggia rüva el suu
E alura tütt el muund a l'era deent in quéla bàla
Cun la televisiòn in dell'Uffizzi o in de la stàla
Vusàvum e bevévum cumé tanti rembambii
Convinti che anca l'arbitro el pudéva sentì
E quanti bei film al lünedé de sira
John Uéin cupàva tücc senza gnaa ciapà la mira
E quanti Maik Bongiorno al giuvedé de sira
Se te séret la risposta purtàvet a cà la lira
E i naven in sö la loena e i purtàven a cà i sàss
Ma in giir in sö la Téra segütàven a cupàss
E i naven in sö la loena e i purtàven a cà i sàss
E in giir in sö la Téra segütàven a cupàss

E i naven in sö la loena e i purtàven a cà i sàss
E in giir in sö la Téra segütàven a cupàss
E i naven in sö la loena e i purtàven a cà i sàss
E in giir in sö la Téra segütàven a cupàss

Televisiòn, quanti dé, quanti nocc cun quél butòn
Televisiòn, quanti dé, quanti nòcc sö quii pultrùnn