Hardest Rap
Kisi ne kheench di lakeer
Aaj ladh rahe dono
Shehron ko bhi baant denge kab
You don't know
Ladhte rehna
Kuch na kehna
Busein jalayi kisi mantri ne
Naam tera
Kaano mein gandgi phoonkne wala
Teri lera
Kitne bachche hain padhaye 10 saal mein
Topi tilk pagdi wale sab hain mere paas mein
Kabhi comment section dekho mere lectures ka
Har jaat wala kare pyar
Kiske sir main baandhu sehra
Har mulk har zaat har community se pyar aaye
Kyunki mosiqui seekhne kalakaar aaye
Danga karna inke dimag ki upaj nahi
Bus soch hai ki gana gaake ghar mein 4 paise aaye
Abhi baal katwa ke aya hun musalmaan se
Maa ne li hai sabzi ek sikh kisaan se
Lpg cylinder dene aya tha isaai
Aur gas choola lia tha hindu ki dukaan se
Kaise khaaun khana
Is mein uska khoon hai
Doosre ka gala kaatne ka junoon hai
Uske dhaabe ki hi khake roti
Daal dun tandoor mein
mera dharm best
Bewkoofi guroor mein
Abhi 4 ghante pehle studio mein ki recording
Hindu main, beat bana raha
Sardar munda, sarangi baja raha
Khan apna mic pe gaa raha
Masih recording daba raha
Kaise banega re gana agar ik duje
ke gharon ko jala denge
Kaun sunega nusrat maan saab lata didi
Agar nafrat faila denge
4 din internet band karke dekho
Galion mein chote bachche khelte toh dekho
Jinki hai fateh ke bus gully door tak jaaye
4 kanche jeet ke maza bada hai aaye
Mujhe yaad chota ground sec 23 ka
Happy kiki imtiyaaz 10 ke kittu 30 ka
10 rupe ki cosco ki ball badi mehengi
Sunny money ki dukaan se 2-2 paise deke laaye
Hare rang ki gend phir bhi dharm nirpeksh thi
Sukhe ke papa auto mein gedi dilaayein
Kaash us waqt uncle bol dete utro saare
Kathe kaise baithe ho re maze bade aare
Aaj lag raha hai jaise meri umr badh gayi
Par dimaag dekho chote chote hote jare