مرحبا مليار [Original]
Mana Saeed Alotaiba
.... مرحبا مليار ....
يامرحبا مليار باللي لفانا ..
ترحيب ما يحصى ولا هوب معدود ..
باللي له التقدير يسبق غلانا ..
واللي غرامه ماله اقياس وحدود ..
نستقبلك بقلوب تسبق خطانا ..
ونعزف مراسيم الزياره على العود ..
بقدومك السامي تنوّر سمانا ..
ونفرش قَبَل توصل لك الارض بورود ..
انا اشهد ان الخير والسعد جانا ..
والدار تحيا دامك أصبحت موجود ..
يا أسمى امانينا وصفوة منانا ..
يافوحة الريحان يانسمة النود ..
نمسح بشوفك بعد غيبه شقانا ..
عوده حميده طِلّ يا سيد الخود ..
نحمد اله العرش دامه عطانا ..
اجمل محبٍ في الخوندات مفنود ..
قلبك وفي ومحال يرضى جفانا ..
ولك الوفا يا راقي الذوق مردود ..
عش واسترح بالحب دامك معانا ..
وخذ مننا ازكى مواثيق وعهود ..