الأشخاص الغلط
بغلط طول عمري ومش بتعلم من غلطاتي
ومفيش ولا مرة اخترت وكانت صح اختياراتي
ما بحبش غير الناس اللي تبوظ لي حياتي
وبروح ليها برجلي كمان
بطلع من ضربة لضربة ومن جرح على الثاني
وكإن الجرح لايق لي ومتفصل على شاني
ما راهنتش على حد أنا أبدا وكسبت رهاني
لازم على طول أطلع خسران
أنا مبهر في اختيار الأشخاص الغلط
بنقيهم نقاوة من وسط كل الناس
أفضل أطنش عيوب وأبلع لهم الزلط
ومش بفوق غير لما بتكون خربت خلاص
أنا مبهر في اختيار الأشخاص الغلط
بنقيهم نقاوة من وسط كل الناس
أفضل أطنش عيوب وأبلع لهم الزلط
ومش بفوق غير لما بتكون خربت خلاص
أنا شكلي الظاهر غاوي أذية وغاوي خسارة
اللي يريحني أنا بهرب منه أوام واتدارى
واللي بيتعبني بحبه وأكون له رهن إشارة
وبإيدي وسناني أنا بمسك فيه
الناس تنصحني أبعد عن حد أأمن له زيادة
وبقول أنا صح وبطلع بردو غلط كالعادة
الكل بيجري على الحاجة اللي تجيب له سعادة
وأنا وجع القلب بجري عليه
أنا مبهر في اختيار الأشخاص الغلط
بنقيهم نقاوة من وسط كل الناس
أفضل أطنش عيوب وأبلع لهم الزلط
ومش بفوق غير لما بتكون خربت خلاص
أنا مبهر في اختيار الأشخاص الغلط
بنقيهم نقاوة من وسط كل الناس
أفضل أطنش عيوب وأبلع لهم الزلط
ومش بفوق غير لما بتكون خربت خلاص