راضين عنك [Original]
Ali Almehiri
راضين عنّك كثر ما ارضيتنا دوم
هذي شهادتنا ليوم القيامة
ما ظن باقي في أراضيك مظلوم
وان كان باقي توصله لي مقامه
ياللي فتحت أبوابك لكل محروم
تسند بفعلك من شقا الوقت ظامه
شايل في قلبك هم كل شخص مغروم
ما ودّك الا يهتني في منامه
واللي تعفَّف مقصده يبعد اللوم
قمت اتّحرى عنْه وترفع ملامه
يا خير حاكم عزِّك لخير محكوم
يا مظلِّلٍ شعبك وطيبك غمامه
يالله عسى هالعز في الشارجه يدوم
ويدوم سلطان الفخر له علامه
تسأل اذا راضين يا سيد القوم
راضين ونشهد لك في يوم القيامة
كلمات علي المهيري
الحان فايز السعيد
غناء حسين الجسمي وفايز السعيد
توزيع محمد صالح
ايقاعات سمير القطّان
مكساج وماستر م.جاسم محمد