Pa bizwen onlo (Gentleman) (feat. Tanya St-Val) [Radio Edit]

Zyé a lanmou pa ka manti
Lew gadé mwen an ka fonn
Pa pè di saw ka rèsanti
Ou pa mwens nonm
Nou o seryé san pwan nou o séryé
Si nou sé dé géryé nou ka goumé ansanm
La konfyans ka régné menm lè sa ka piké
Nou ka twouvé on chimen pou nou rété ansanm
Enmé tan vou di mwen kè an bèl
On dousè on dousè an palé la tou sèl
Pa bizwen onlo nou pa menm ni a di twop
Pani a chèchéy lanmou la résiprok
Ou ka pwan tan kouté sa an ni a di
Plézi aw sé fè mwen souwi ou pa ka kouri
Ka poté atansyon ka mandé permisyon
Bon lentansyon pa menm palé dè pasyon
Annou ay si nou kay
Fo nou ken on pozisyon
Révé an gwan es ou ni lanbisyon

Lè nou a dé
Pé pa diw ka sa yé
Kon lè soley lévé
Mèsi bondyé
Fè mwen vibré
Nou pa bizwen palé
An dé braw mwen twouvé
Sa ki la pé

An vlé on chalenjè ka fè mwen pwan wotè
Fè mwen fè douvan menm lè an ka fè dèyè
Fè mwen vin méyè ki pa jen las apwann
Pa vlé pon diktatè ni égo a rèvann
On gwan nonm èvè on lespwi lib
Kon lew maché an mas la ou ka santiw viv
Kon toupiti ka vwè maji a la vi
Adan lévé a soley adan kouché a lalin
Ki ni konpasyon pou pwochen ay
Koneksyon èvè mè nati ka fey toupiti bay
I ni valè doubout pou say ka kwè
A pa pawol an lè pasyoné pou say ka fè
On romantik ka vwè pli lwen ki zyé
Pou palé a kè ouvè ki sa fèmé lé dé
Ki pa pè milité pou lajistis fèt
Spontanéité wai sé à la vibe kè sa ka fèt

Lè nou a dé
Pé pa diw ka sa yé
Kon lè soley lévé
Mèsi bondyé
Ouh ouh ouh
Let me love you mister gentleman

Sé konsi nou té ja konèt
Sé konsi nou té ja palé
Doubout pou nou lové dé pa de dans
Dé pa de géryé
A dé nou sav nou ké pli fò
A dé nou sav kombyen éfò
Si nou kay annou ay
Wayayay mister gentleman
Sé konsi vou é mwen tanto
Té ja enmé si ban lékol
Cho cho kaché
Véyé yonn si lòt
Fo nou véyé
Lanmou respé persévérans
Tan vou di mwen dé mo tandrès
Chak jou ka pasé ka konté
Yeah eeh yeah

Pa bizwen onlo pa bizwen onlo
On lanmou ki résiprok
Pa bizwen onlo pa bizwen onlo
Nou pa ka mandé twop
Pa bizwen onlo nou pa bizwen onlo
Ooh gentleman
Pa bizwen onlo pa bizwen onlo
On lanmou ki résiprok

Mister gentleman would you dance to Coltrane when the night falls
Would you pick me up like when the money calls

Pa bizwen onlo
Oh mister gentleman