Dr letzt Dinosaurier
[Verse 1: Greis]
I bi ne Dinosaurier
Au mini Fründe sy usgschtorbe
I bi ne Dinosaurier
Hüt steit es Parkhuus uf mim Geburtsort
(Ah d'sch no gäbig, de cha me dört grad, eeh...
...parkiere)
I bi nid gmacht für dä Job, i mach mi vom Acker
I bi ke Macker, i maches nur vor, e mah mi nid packe
Aus Rapper wosch öbber sy u machsch herti Pose
Doch vor jedem Album schiebi depressivi Episode
Schrybe so miesi Lieder, ma se nidmau säuber fertiglose
Verzeue när de Chlyyne das si a sich söue gloube (Chuum)
Bi scho so aut und troche das mi dr Polo Hofer im Tram het gfragt obi a sim Platz wott hocke (Nei nenei)
Bi scho so wyt dasi d Zyt woni hätt zum schrybe lieber mit Wösche vertrybe, ha immer Schiss dasi schyttere
Scho wider Krise, i entwickle no ne Putzwahn
U i ga z'Grund bruuche mini Falte us Schutzwall
Viufach z'dumm, zu aut für uf d Rutschbahn
Ching föh afah gränne weni ufe Spiuplatz chum
Nach au dene Pryse u Gäut u Froue
Fäuhts mer immer no a Säubstvertroue
S änderet nüt
[Chorus: Greis]
I bi ne Dinosaurier
Au mini Fründe sy tot
Pensionierig isch ab hüt mi Ahtrib
Rap isch eifach ke Job wo me würdig aut wird
I bi dr letscht Dinosaurier
Au mini Fründe sy usgschtorbe
E minemineminemino
I zieh ne Miene wiene Dino
[Verse 2: Greis]
Bi aut wi d Schwiz, aut wi Europa
Aues wird aut usser Trope und Babyrobbe
I bi di Opa, scho lang zwänzgi gsi
Wott ke dancy beats meh sit mini Fans mi sieze
Chasch mi duzen isch kes Ding doch geit mer aues z'schnäu
U ha allgemein oh nüm so Luscht uf Knutsche und Petting (merci)
Läben im Biudschirm, Mönsche wärde zu Pixel
Di unsichere, schüche gwinne im Trickfium (yeah)
Mixe di Gschichte mit mire u bi när mitzdrin
Und totau entdüscht dass's im ächte Läbe när nid stimmt (nei)
I bi ne Bitch wo tuet wine Aktivistin und oh 10 Jahr nach Global immer no ke nöii Hits bringt
I mim Chüelschrank steit immer no ne Miuch vo mire Ex u mittlerwile erwartet si scho nes dritts Chind (bravo)
Itz bini entlarvt, aber wennschon dennschon
Wirde uf der Strass vo de Fans erkennt, us Endo (Nei nenei)
[Chorus: Greis]
I bi ne Dinosaurier
Au mini Fründe sy tot
Pensionierig isch ab hüt mi Ahtrib
Rap isch eifach ke Job wo me würdig aut wird
I bi dr letscht Dinosaurier
Au mini Fründe sy usgschtorbe
E minemineminemino
I zieh ne Miene wiene Dino
[Verse 3: Greis]
I bi aut
I wott hei und i ha chaut
Motze über Velofahrer wo vorem Streife nid haute (Stopp)
Ha viu zum Reklamieren und maches oh gärn
We Lüt lut schnurre duss nachem Zähni stahni a ds Fänschter (Hey, häbet d Schnurre!)
Stagedive zum ne Ufer us Teer
Versinke d Santa Maria und versuuffen im Meer
Uftritt mit Züri West beduren i sehr
Wüu Groupies zum Teil hei gmeint i sig am Kuno si père (Nei nenei)
I bi Langlouf-aut, i bi Nordic Walking
Bi nid aut wi Wyy, i bi aut wine Alki
Widerhol der glych Scheiss zum Xte mal
Bis me nüm merkt obs ds nöie Album oder es auts isch (Greis vier)
Mini Huut isch salzig
I erschricke jedes mal bim Schutte we mängisch luut dr Ball zischt (Uh da'sch knapp gsi)
Im Club säge si mer Gangnam Dad
I bi nes Batik-T-Shirt, es ADAT-Grät
Wo zu rächt verschwindet, wüus e blöde Trend isch
U när au paar Jahrzähnt wider nöi entdeckt wird
(Weni ds ganze no chly...
Weni ds ganze no chly, nei jetz isch dr Beat lisliger, oder?
Werum? Nei aber ohni Scheiss, jetz müesse mer verwärts mache, jetz entmute bitte das Ding)