ويلي
ويلي يا سنيني عودي
ولو ثواني بقى في الخيال
ويلي يا سنيني عودي
واحشني ثاني لعب العيال
وخذاني الدنيا في كل مكان شقلبة كده من غير داعي
عايزة تغمي لي عينيّ كمان بقى وتكتف لي دراعي
وأنا واخذ ع الحرية طب أحرك رجلي شوية
نفسي أفتح صدري يا ناس في الهوا وأفتح كاسيت العربية
نفسي أرجع ثاني إن شاء الله ثواني لأيام الكلية
وأضحك مع ده ومع ديا فين أيام عمرو وياسر
طارق هنا ولا مسافر وحشوني صحابي
وصورة في كتابي أنا عمال فيها بذاكر
ليه خاذتني الدنيا في بيعة وشروة
لو إني مكنتش تاجر يعني أسبيها لكم وأهاجر
ويلي يا سنيني عودي
ولو ثواني بقى في الخيال
ويلي يا سنيني عودي
واحشني ثاني لعب العيال
فين أيام نادي سموحة واللعب عليك يا نجيلة
والأحلام المفتوحة ومفيش حاجة مستحيلة
فين أيام لعب الجودو وحبيبي الحمراء خدوده
إمتى الأحلام ترجع لي إمتى يا أيامي تعودوا
ويلي يا سنيني عودي
ولو ثواني بقى في الخيال
ويلي يا سنيني عودي
واحشني ثاني لعب العيال
فين أيام الحرية وبنات شارع الحنفية
شهر العسل وبينكي أيوه يا اسكندرية، أيوه يا اسكندرية
واحشاني الضحكة ديا من وقت ما سبت بحرك ملقيتش حبيبة ليّ
ويلي يا سنيني عودي
ولو ثواني بقى في الخيال
ويلي يا سنيني عودي
واحشني ثاني لعب العيال
ويلي يا سنيني عودي
ولو ثواني بقى في الخيال
ويلي يا سنيني عودي
واحشني ثاني لعب العيال