سبع أيام

من حقي عليك
لو إنت زعلت وصالحتك ما تكسفنيش
ولو قربت ليك خطوة ما تبعدنيش
ودايا لما أقول آسف بسرعة تروق
تقرب مني وتشوفني بحبك ليه
وتعرف إيه بيعجبني تكثر فيه
وما تدخلش بينا حبيبي يوم مخلوق

ولو مخاصمني تيجي تصالحني قبل ما أنام
وتوصفني لكل الناس بأحلى كلام
وما تسبنيش ولا ثانية
تغمض عين وبالثانية
تكون سهران على راحتي السبع أيام

من حقي عليك
تقول للدنيا دي بحالها خلاص حبيت
ومن الحنية تبني لي في حضنك بيت
وما تخليش كلام الناس يأثر فيك
تبص في عيني تفهمني حقول لك إيه
وكل اللي انت بتحسه تقولي عليه
وتعرف قد إيه عايزك ومحتاج لك

ولو مخاصمني تيجي تصالحني قبل ما أنام
وتوصفني لكل الناس بأحلى كلام
وما تسبنيش ولا ثانية
تغمض عين وبالثانية
تكون سهران على راحتي السبع أيام