شارع ايامي

على ناصية شارع أيامي
ساكن مع أحزاني في بيت
قدام مني ساكنة آلامي
وأنا والوجع الحيط في الحيط
عذابي تملي واقف ع الباب
وجراحي ياما من الأحباب
بتخبط على قلبي ليلاتي
على ناصية شارع أيامي
ساكن مع أحزاني في بيت

أنا اللي عايش من غير روح
إسمي من الأفراح ممسوح
أحلامي من شباك مفتوح بتطل على بحر الأوهام
قافل عليّ بمية ترباس
هربان من الدنيا ومن الناس
لو عمري كان مبني على أساس كنت أبني دور للراحة وأنام

أنا اللي عايش من غير روح
إسمي من الأفراح ممسوح
أحلامي من شباك مفتوح بتطل على بحر الأوهام
قافل عليّ بمية ترباس
هربان من الدنيا ومن الناس
لو عمري كان مبني على أساس كنت أبني دور للراحة وأنام

تعبت من الحياة ومليت
فاضل لي يومين وأكون طقيت
ببني بضحكة مليون بيت مفيش ولا إيد بتبني لي
بمثل إني قادر أعيش
ورافع راسي ما بوطيش
لكن قلبي شبع تلطيش وطبع العين مغميني

أنا اللي عايش من غير روح
إسمي من الأفراح ممسوح
أحلامي من شباك مفتوح بتطل على بحر الأوهام
قافل عليّ بمية ترباس
هربان من الدنيا من الناس
لو عمري كان مبني على أساس كنت أبني دور للراحة وأنام

نفسي أضحك بس خايف
أفضل أدعس عن الشفايف
وأبقى زي كفيف بيضحك لما يعمل نفسه شايف
ألف جرح بقلبي واجع
بمشي خطوة وخطوة راجع
كل ما أحلم ألاقي نفسي جوة وهم كبير و واسع

أنا اللي عايش من غير روح
إسمي من الأفراح ممسوح
أحلامي من شباك مفتوح بتطل على بحر الأوهام
قافل عليّ بمية ترباس
هربان من الدنيا ومن الناس
لو عمري كان مبني على أساس كنت أبني دور للراحة وأنام