باب رزق
Amir Teima
صباح الخير على ناسنا وع الغالين أهالينا وحبايبنا
ع الشارع وبيوتنا والدكاكين وع الخير اللي في قلوبنا
صباح الفل ع اللي بيسعى والشقيان أخونا وجارنا وصاحبنا
صباح الرزق والتساهيل ويومنا جميل بلقمة بتحلى بتعبنا
سيبها على الله ده اللي بيتفائل خير يلقاه
لو يقفل باب ربك يفتح باب رزق وراه
سيبها على الله وهتسعى الدنيا هتسعى معاك
ومنين ما تروح رزقك هيروح وهيمشي وراك
وسيب بكرة بقى لبكرة ده لو تسعى هتلقى الدنيا جاية لك
قادر ربك يفرجها يعدلها يريح لك في يوم بالك
ولما في يوم هتاخذ إيد حد غريب ومن قلبه هيدعي لك
هتلقى في يوم مليون حد واقف جنبك وجوة عيونه هيشيلك
سيبها على الله ده اللي بيتفائل خير يلقاه
لو يقفل باب ربك يفتح باب رزق وراه
سيبها على الله وهتسعى الدنيا هتسعى معاك
ومنين ما تروح رزقك هيروح وهيمشي وراك