إنتي غير [Original]
كل مقـام ٍ له مقال وْ فيكِ يا بنت الأصول
لازم إتصير القصايد غير .. لنّـك إنتي غيـر
يلّي حسنِك لو تراه الشمس يغشاها الذهول
والقمر لو ماهو شاعر لجل عيناك بْـيصير
—-
إنتي غير وْمن غلاك إن جيتي يالعَفّ الخجول
كيف ما نفرش لِـخَطوَة رِجلك الدنيـا حريـر
وإنتي إسم ٍ لا إكتبوه امن الفخامة والقبول
الـوَرَق يصبح مديـنـة والقـَلَم يـمشي أميـر
—-
يا هلا بك وإن لفيتـي ناعمة قـَدّ ٍ و طـول
وبْعيون ٍ ناعسات وْ وَجه ٍ أصفى مْن الغدير
بك تـفاصيل الملامح كنـها يا مريم تـقول
يسعد الله هالجمال الراقي التـَرف المثـير
—-
وش على زينك يا مريم لو به إحتارت عقول
وش على طيب إمعناك إن صار كل قلب ٍأسير
وانتي كلّك يـْاإختصار الزين لي شرحه يطول
حاجة بين الممكن اللي مستحيل إنه يصير
—-
إقبلي يا بنت أبوها وْ خلفِك أمجاد وْ خيول
يَْ أجمل أشعار أُبو راشد..ياسنا البدر المنير
ألف سبحان اللي صَوّر وْيا صلاته ع الرسول
يا شبية هند وْ ضي عـْيونها وْ حُبـْها الكبير
—-
يسعِدِك ربي بـْ خالد نسـْل وافين الأصول
اللي يستاهل غلاك العذب وبْـحُبك جدير
الشَهم سَمْح المحيا يللي نـظـراتـه تـقول
إنك بـقلبـه يا مريم حب و لـعيـنه نـظيـر
—-
يا عسى الأفراح تملا عمركم عرضٍ وطول
في حيـاة ٍبالسعادة مقبـله بْـحب ٍ و خيـر
عَدِّ نجمات السما وْما جادت الغيمة هطول
وْ عَدّما صَلّو الخلايق ع النبي الهادي البشير