مشابهٍ زايد [Original]
Al Sheikha Khawla Bint Ahmed Khalifa Al Suwaidi
نِرفَع بِك الراس بُوخَالد
إنتَ المعزَّة لِنا والزُود
إنت لِيَا أقبَلت نِتعَايَد
وتِزدَان الأوطَان بك وتجُود
إنتَه تِباهِيج ومزَايَد
إنته لِنَا فَخَرنا المَحمُود
يِحفَظك يا مشَابهٍ زايِد
ياللِّي لِنا عزٍّ وصمُود
خِيلك اللي صهِيلَها بَايِد
العِدُو حتَى لازِمه رعُود
"نوعدك بوخالد القايد"
لِك جِندٍ مجَنِّدِين جنُود
كفِّك اليَمنى لنا تعاهد
إن الوِطن في "كف" الأسود
ونقُول ونعِيد ونزايِد
إنت الوِطَن والفَخَر معهُود