Miho Dia

Tin dia minsa ki' bisa
Ki' mi skibi, ki' mi pensa
Tin dia mi no por splika
Ta ki' te problema

Tin dia mi ta sinti
Manera ta mi so
Ta pasa dor di bida
Kargando un dolo

Mi'n ke bo preokupa mas
Mi'n ta bisa nada
Ta trose di paden
Pero smail di pafo

Kos serio
Minsa ta kiko falta'mi
Tin hende felis
Ta sinta band'i mi

Mi ta wak nan den nan wowo
I mira nos ta diferente
Nan ta biba den mundu
I ami den mi mente

Honestamente ma fada
Sinseramente ma kansa
Mi'n por bisabu kiko e plan ta
Minsa dikon mainta mi ta lanta

Sabiendo ku djis biba ta karu
I felisidat sigur lo kibra mi saku
Kuantu mas mi tin ku paga
Kuantu mas

Bisa'mi ku miho dia
Tin ainda, mi dilanti
Djis bisa'mi ku bida
Ta birando mas fasil

Gañami si bo tin mester
Gañami si bo tin mester

Anto nada no ta kambia
Ni maske ku mi rap
Mi tin gan'i drenta un trein
Anto nunka bini bek

Pero esei no tin sentido
Mi sa mi no por kore
Pa mi sintimentunan
Mi sa mi no por skonde

Tin dia mi ta sera
Kurpa den kas
Mi'n ke skucha mi mes
Ni wak mi kara den spil

K'e pen den man
Mi ta buska mi pas
Kuantu mas mi mester skibi
Pa mi por ta trankil

Mi perspektiva a kambia dia Mac a muri
Muzik no ta salba'bo e ta yuda'bo sufri
E ta yuda'bo deal or'e stress ta real
E ta laga'bo desahoga pa asina bo por fungi

Pero e no ta sufisiente
Muzik no ta tur kos
E'n ta saka'bo fo'i bo mente
E'n ta saka'bo fo'i dje pos

Bisa'mi ku miho dia
Tin ainda, mi dilanti
Djis bisa'mi ku bida
Ta birando mas fasil

Gañami si bo tin mester
Gañami si bo tin mester

Mi sa ku mi krus no ta muchu pisa
Pero ainda e tin ku wordu karga

Anto mi sa ku mi krus no ta muchu pisa

Gañami si bo tin mester
Gañami