Leron Leron Sinta

Leron leron sinta
Buko ng papaya
Dala-dala'y buslo
Sisidlan ng sinta
Pagdating sa dulo'y
Nabali ang sanga
Kapos kapalaran
Humanap ng iba

Halika ka na Neneng
Tayo'y manampalok
Dalhin mo ang buslo
Sisidlan ng hinog
Pagdating sa dulo'y
Uunda-undayog
Kumapit ka Neneng
Baka ka mahulog

Ang ibigin ko'y
Lalaking matapang
Ang baril nya'y pito
Ang sundang nya'y siyam
Ang lalakarin nya'y
Parte ng dinulang
Isang pinggang pansit
Ang kanyang kalaban

Isang pinggang pansit
Ang kanyang kalaban

Isang pinggang pansit
Ang kanyang kalaban