انا مشتاق (موال العراق) [Original]
أنا مشتاق و ابد ما ينحمل الفراق يا عراق
أنا مشتاق للبصره و على العشاق اصيح بصوت و بحسره
أنا مشتاق يا عماره ترى حزني كبير و ما اله چاره
أنا مشتاق حبها شسوى بيه ..حبيبة قلبي اسمهاا الناصرية
أنا مشتاق اسمعها ابوذيه يا محلى السماوة و الديوانيه
أنا مشتاق ازور النجف و الحيرة و مر بكربلاء محلاها من ديرة
أنا مشتاق حد الموت عذب صافي يا شط الكوت
أنا مشتاق للحلة يا حله ما معقوله ما اسمع ابو خالد يغنيلي يا مذلوله
يا مذلوله يامذلوله شبقى بعمري يا مذلوله
أنا مشتاق يا ديالة غريب وحالتي حاله حبها بقلبي مو عادي
أنا مشتاق للرمادي...انا مشتاق والچ حنيت وياحلوه انتي ياتكريت
أنا مشتاق سامره ابد ما تنسي الگعدات و العشرة
أنا مشتاق ياموصل اظن الأرض تعرفني اذا اوصل
يا كركوك انا مشتاق و بيه زادت الأشواق
وأنا مشتاق لأحلى شمال على نسمة هوى صافي تمر عذبة على الدلال
أنا محتاج اگعد لحظه يم شلال
و أنا مشتاق يا بغداد ...يا أمنا و ابونا انتي يا بغداد
ترى بغداد بغدادي ..احس بغداد حوريه واحس دجله يغازلها
و احير شلون اوصفها منين ابدي من الگريعات من الدوره اخاف انزعل المنصور و الثوره
اريد اوقف على الصوبين و اصيح بصوت ليمتى نضل ابعاد يا بغداد
أخاف الموت ياخذني و اموت انا غريب بلاد
بس صدگوني لو صارت اظن اعظامي تحملني وتاخذني مشي لبغداد