ខូចឡាន

I. ខូចឡានអូនច្បាស់រកជាង តែបើខូចចិត្តអូនចង់រកបង
២ បូក ២ ស្មើនឹង 4 បើបងបូកអូនស្មើអីវិញទៅ
តើម៉ាក់បងគាត់កាចទេ គាត់មានកូនប្រសាឬនៅ?
បងអើយយើងស្រលាញ់គ្នាទៅ ព្រោះអូនចង់ហៅគាត់ថាម៉ាក់ក្មេក...

Pre1. បាត់របស់អូនដូចមិនសូវស្ដាយ តែស្ដាយៗៗបើសិនជាបាត់បង ឆ្នាំនេះអ្វីដែលអូនប៉ងធ្វើយ៉ាងណាឲ្យក្លាយជាសង្សារថ្លៃ
គ្រូពេទ្យតែងប្រាប់មកថាបើចង់បានភ្នែកភ្លឺឲ្យញ៉ាំសាច់ត្រី
តែឆ្ងល់អូនឆ្ងល់ណាស់ថ្លៃ ហេតុអ្វីភ្នែកស្រីមើលច្បាស់តែបង

II. អូនមិនចង់ធ្វើត្រឹមមិត្តបងបេះដូងខ្សឹបប្រាប់ចង់ធ្វើគូស្នេហ៍
និយាយមែនអត់និយាយលេងទេ ចង់មានអ្នកហៅ ហៅថាអូនសម្លាញ់
អូនក្មេងតែមិនងររឿងច្រើនធានាមិនខុសបើបងស្រលាញ់
ចង់មានអ្នកថែពេញលេញ បើស្រលាញ់ៗឆាប់ឆ្លើយ Ok

Pre2. អូនចង់ឲ្យបងជួយ Single យូរហើយចង់ដឹងចង់ស្គាល់ស្នេហា
មិនបាច់ ទាយគ្រូទេណា អូនសុំទាយថា គឺបងៗ ជាគូនឹងអូន...

TEY. ល្អដូចបង សមជាគូនឹងអូន
២០២៣ យើងរៀបការមានកូន
អូនខំ បងស៊ូ គ្រួសារយើងរលូន
បើបងចាប់អារម្មណ៍ យើងឆាប់ទៅកក់រោង

ហៅមិត្តភក្តិ អ្នកជំពាក់ចំណងដៃ
ញាតិមកជួបជុំ ឲ្យចំចូលឆ្នាំថ្មី
ថ្ងៃជាវេលាល្អ អីយ៉ាស់ មកការស្រីតី
គ្រាន់តែគិតក៏សប្បាយ ព្រោះតែជិតបានប្តី
ទាយគ្រូ មើលហោ ដេញពេលាការមក
ប្រាប់បងប្អូន ត្រៀមរ៉ូបត្រៀមខោ
Pre-order ដាក់មួយឆ្ងាញ់ទុកមក
ប្រយ័ត្នអត់អីស្លៀក តាំងមករត់ឆោឡោ
ប្រាប់បងប្អូនឲ្យត្រៀមរ៉ូបត្រៀមខោ ខោៗៗៗៗៗៗៗៗ X7
ប្រយ័ត្នអត់អីស្លៀក តាំងមករត់ឆោឡោ