Die Strass, won i drann wone

[Strophe 1]
Ir lüt, i wonen anere Strass
Und nid symbolisch meinen i das
I wonen anere Strass, wi gseit
Wo zum Fridhof geit

[Strophe 2]
I cha vom Fänschter us d'Umzüg gseh
Mit Efeuchränz und Bluemebouquet
Wen alben eine derhär chunnt da
Mit de Füess vora

[Strophe 3]
En Andre villicht mahneti das
Geng dra gly näm dr Schryner scho ds Mass
Ou ihm für ds tannige letschte Chleid
Und das tät ihm leid

[Strophe 4]
Ig aber findes schön das mys Bett
Vorlöifig no ke Holztechel het
Und das i geng no dr Himel gseh
Fröit mi drum descht meh

[Strophe 5]
Die Strass won i drann wonen isch zwar
So dänken i e Sackgass s'isch wahr
Hingäge für mi und i gniesse das
No ke Einbahnstrass