Ds bi nid ig

Lueg i spiegu bisch du glücklech was du gsesch?
dis läbe nonid farbig es isch knapp afe beige
Seisch geng zu auem Ja u zu niemerem Nei
seisch aune geng das wosi ghöre wei

chaschmer no dises u jenes hie
hiufschmer der Charre usdem dräck hie zzieh
du sammlisch Christepünkt so wie angeri panini
suecht öpper none freii hand rüefsch lut da bini

u klar isch ds okay so klar bruchts di hiuf
aber langsam wirsch du suur wie dSunne ir Miuch
lah doch für einisch mau di angere la schaffe
u du chasch di im sofa neu la erschlaffe

nenei du schaffsch bis zum uschotze
mä ghört di nid einisch öppis motze
wüu ig ohni schaffe seisch du lut,
ds

Ds binid ig

Chum lueg nomau i spiegu bisch ds würklech du
i gseh di ganz anders gsehdi ohni tattoo
ohni au ds wod Narbe verdeckt
ohni vorhang nüt isch versteckt

du bisch wärtvou ohni das du öppis machsch
du bisch wärtvou ohni Outo ohni Dach
du bisch wärtvou so wie du gschaffe bisch
du bisch wärtvou du mueschni schaffe für dasz bisch

aui die tate ohni liebi si am schluss für nüt
aui die Diplom morn ar motte ihri büüt
das wo du chasch tue mues usem härze passiere
unid für das du dis Lob chasch kassiere

drum fertig mit audem narbe kaschiere
fertig mit audem Läbenslouf frisiere
du bisch du u we öpper öppis angers
bhoubtet de seisch eifach

Ds binid ig