Dat kölsche Hätz kütt an d’r Rhing zoröck

[Songtext zu „Dat kölsche Hätz kütt an d'r Rhing zoröck“]

[Strophe 1]
Wenn do dräums, jo, wenn do dräums
Dann dräums do vun daheim
Die weite Welt, die wor noch klein
Un große Sorje hatts de kein
Wat war'n mer opjerecht, fuhr mer met de Stroßebahn
En da Königsfors met Papp un Mamm
Doch spätestens am Nohmeddach wor et Heimwieh widder do
Eets op dä Düxer Bröck, do wor et jot, wemmer dä Dom dann widdersoh (Jo)

[Refrain]
Dat kölsche Hätz kütt an d'r Rhing zoröck
Et weed verröck, verröck vor lauter Jlöck
Weil et niemols verjiss, wo еt häjekumme es
Dat kölschе Hätz kütt an d'r Rhing zoröck
Dat kölsche Hätz kütt an d'r Rhing zoröck

[Strophe 2]
Wat fröher joot wor, es hück nit schlääch
Jeder för sich määt singe Wääch
Einer jeiht, dä andre bliev
Weil dä Herrjott unser Driehboch schriev
Die jroße Liebe fingk mer off am andre Engk dä Welt
Un wemmer Jlöck hät, verdient mer do vill Jeld
Doch sicher irjendwann, dat duurt kein hundert Johr
Dann kütt et, wie et kütt, dann es et Heimwieh widder do (Jo)

[Refrain]
Dat kölsche Hätz kütt an d'r Rhing zoröck
Et weed verröck, verröck vor lauter Jlöck
Weil et niemols verjiss, wo et häjekumme es
Dat kölsche Hätz kütt an d'r Rhing zoröck
Dat kölsche Hätz kütt an d'r Rhing zoröck