16 HK Rap Up (Masta Edit)
MastaMic
一年一rap up 今年會rap乜
有人等得好心急 我就rap 得好心噏
今年rap得乜唔rap得乜無乜唔rap得
聽完rap up祝大家雞年食得瞓得行得走得行運大吉
明蝠俠4D演唱會差啲冇得做
即使面對公關災難都輕鬆過渡
超儀話阿除多手有分享症
我估佢都只係戥陳子聰康復高興
吳若希暫別娛樂圈生B咁好野
咁以後 咪冇得聽佢講 點解嘅
柏豪結婚相信fans都感到高興
但相信最傷心應該係岑晉晴
方力申鄧麗欣10年童話未結先分
分手係10週年紀念日多得葉念琛
裕美背夫偷會黃子恆關係撲朔迷離
好多版本公說公有理婆說婆有理
李潤庭公然偷食人妻咁狂妄
奉勸巴打們如果偷食記住要東張西望
16年至hit韓劇莫過於太陽的後裔
幾時大台照dup整返套太婆的後裔
全城熱話跟住矛盾去旅行
嘉賓我提議不妨請蘇永康同梁頌恆
屍殺列車其實冇乜特別
只要你朝頭早返工試過搭港鐵
巨輪嘅主角應該係高天就
以亂倫為題嘅劇集都算絕無僅有
放心講到分獎仲有毛記分獎禮
但係佢哋請嚟請去都唔請我馬米
再見我哋嘅GAG王 盧David
你嘅爛gag永遠都充滿住個人特色
David Bowie係搖滾同美麗混合體
用但咗一生向世人演繹何為華麗
佐治米高係聖誕離開人間
聽住Last Christmas過佢最後一個聖誕
劉明偉游學修邊個先係男神
兩個package比較都係鬥老豆係咩人
蘋果加枝筆菠蘿加枝筆
蘋果菠蘿筆要紅咁唱一定得
大台節目個名叫做沒有起跑線
因為今時今日要贏就贏在射精前
對於Samsung部Note 7只有一個評價
成龍下次可以改口講韓國製的會爆炸
Pokémon Go全城狂熱人人捉精靈
個個都變做小智化身做寵物精英
一罐斷片酒搞到吳幸美鬼上身
仲有嗰個鐘意食屎嘅所謂男神
港女係台北 上水引產 偷鮑
三個臭鮑匿係廁所食鮑包食鮑
李國章終於正式入住港大
以我估計港大嘅學術自由都係咁大
好多學校驚死 禁散播港獨言論
又話香港有言論自由咁即係自相矛盾
監警會三審裁定朱經緯用警棍打人
搞咗咁耐個結論原來係阿媽係女人
電影十年獲得金像獎最佳電影
即時引起一眾愛國電影人嘅點評
假扮入境處或公安用一個電話
原來呃人幾百萬只需要一個大話
何文田站個設計相當離地
出口去到月台五百幾級樓梯行到你斷氣
全球最長壽大熊貓佳佳接受安樂死
17年嚟陪伴港人成長衷心多謝你
黃之鋒係泰國被囚禁足足十個鐘頭
香港政府完全無打算作出營救
譚耀宗打尖做手術點解咁都得
係咪加入民建聯就成為特權階級
正所謂道不同不相為謀
學聯退出支聯會代表各自有唔同訴求
康橋之家張建華正一人渣
性侵女院友仲狡辯應該捉佢去打靶
Lancome兩封割聲明搞到自己犯眾憎
不如考慮吓中文譯名改做難堪
California為咗跑數成日對啲客老屈
都算天有眼終於等到佢哋關門大吉
城大體育館冧屋頂聽到都嚇親
冇人命傷亡都算不幸之中嘅大幸
中環民園麵家嘅雲吞麵炸醤撈
可惜終於成為一種回憶嘅味道a
游惠貞話扑嘢但搵唔到房
如果你有興趣我想講我其實有地方
政府成日提要改善住屋同土地問題
偏偏4層樓高嘅嘉湖泥頭山無人提
政府率先向橫洲地區領袖摸摸底
官商鄉黑勾結實行一條龍互利互惠
拳皇曹星如廿十連勝 稱霸
我幫佢改個新綽號 港版Floyd Mayweather
牛下女車神李慧詩連人帶車倒地
雖然失去奬牌但香港市民一定撐你
從傅園慧身上學到一句洪荒之力
從孫揚身上學到咩叫做不自量力
鄭於彤喺香港知名超級富豪
呢位新世界創辦人安詳走完 91年人生路
美國新一屆總統係富豪Donald Trump
叫得Donald唔慌好人你睇吓我哋嘅Donald Tsang
英國全民投票決定英國是否脫歐
純好奇一問點解當年回歸無人搞公投
泰國人太傷心因為泰王駕崩
相反如果我哋特首過身有幾多市民會痛心
明報執行編輯 巴拿馬報道後被解僱
編採自主係咪已經無人在乎
曾經嘅亞洲良心終於壽終正寢
對於停播時嗰種草草收場深表遺憾
獲發12年牌照嘅奇妙電視
將會引發電視界嘅三國演義
只要老豆係特首隨意打橫行
漏咗行李過關咩唔使驚有特事特辦
梁振英上任做盡壞事無日無知
直至宣布唔競逐連任 總算做返件好事
退休法官胡國興搶閘參選特首
邊個贏都好最緊要唔係淋病同葉劉瘤
劇場刊登嘅台灣校名被迫刪國立兩字
以上係康文署驚死嘅自我審查例子
廉政公署大地震李寶蘭被辭職
似乎係梁振英對調查UGL事件嘅反擊
一帶一路一帶一路一帶一帶一路
以上全部內容就係成份施政報告
見過喬布斯嘅人相信無幾多
但係弱智嘅局長我見過我真係見過
民航處嘅新空管系統突然崩潰
堅持死都唔更換係咪要撞機先識後悔
醫委會特首委任人數增加至八人
無非都係想喺唔同機構加插自己人
屯門搞到新年大混亂嘅起源
原因係良景邨突然有好多蒙面管理員
當魚蛋都可以引伸一場革命
證明當權者係如何欺壓百姓
對於有學生自殺我深表遺憾
為人師表更應積極承擔責任
但局長次次有關聽證會都唔會現身
所謂對策只係每間學校發放5000蚊
張德江訪港搞到四圍封路
個幾日到處塞車怨聲載道
4級大火將時昌迷你倉徹底吞食
場火足足燒左四日半先叫做救熄
兩名消防員亦因此英勇殉職
在此向佢哋致敬獻上無言感激
係香港賣書賣到比人失蹤
一國兩制已經全面失控
特區政府最終遲遲唔出動
港人治港已經被徹底冰封
被失蹤原因自編自導中央屈得就屈
九噏話人撘洗頭艇吳亮星噏得就噏
梁天崎新東補選以六萬幾票高票落敗
可以話正式確立香港嘅本土派
聲明確認書明顯係政治打壓
即使簽咗名選舉主任都可以唔批准入閘
戴耀廷嘅雷動計劃搞到一鑊泡
令到部分應該當選嘅結果選唔到
容海恩被稱為法律界嘅桂綸鎂
真心想講呢個綽號有排都未輪到你
太驚訝毓民都竟然落馬
邊個估到結果同預期可以有咁大落差
朱凱迪高票當選成為票王
面對鄉紳恐嚇佢仍然勇於擔當
梁頌恒用鴨脷洲鄉音宣誓
游惠貞一句支那結果引風入肺
一場宣誓風波令中共搵到靚位
引發釋法上訴DQ令議員人人自危
強制釋法令到法制受到衝擊
重新解釋基本法只係為咗掩飾
企圖追擊本土要本土派全面絕跡
為達到目的一切手段在所不惜
為咗米粉再困難仍然百折不屈
埋頭苦幹四年由13去到17
嚟到今年馬米終於推出全新專輯
精彩多變嘅風格 到時唔聽係你嘅損失