ساعات بشتاق [Album]
ساعات بشتاق ليوم عشته وأنا صغير
لشكلي قبل ما أتغير
لأيام فيها راحة البال
عشان كنا ساعتها عيال
ساعات بشتاق للحب القديم
ولصوت عبد الحليم
لنومي في حضن لبس العيد
وإحساسي إن بكرة بعيد
لفنجان قهوة من أمي وأنا بذاكر
لفرحة أبويا لما أنجح وأكون شاطر
للمة عيلة في الصيف لما بنسافر على مطروح
لأول لمسة من إيد اللي حبيتها
لضحكتها ورقتها وبرئتها
لدمعة في عيني يوم البعد خبيتها وأنا مجروح
ساعات بشتاق ليوم عشته وأنا صغير
لشكلي قبل ما أتغير
آه لأيام فيها راحة البال
عشان كنا ساعتها عيال
ساعات بشتاق لخالي وعمي ولجدي
لحواديث من بتوع ستي
لليلة من ليالي زمان
لفرح بيملى كل مكان
ساعات بشتاق لبيتنا الكبير
والناس مليانة خير
لا باتوا في مرة يوم شايلين
ولا عملوا حساب لسنين
للعب الكرة في الشارع في حتيتنا
لأمي وهي بتعيد على جارتنا
لرمضان لما بنوره يهل على بيتنا وكل مكان
حاجات عدا عليها سنين سابت فينا
صور جوانا عايشة زي أسامينا
ولا الدنيا ولا الأيام تنسينا
ليالي زمان ساعات آه
ساعات
لأيام فيها راحة البال
عشان كنا ساعتها عيال