ลำล่อง หนีช้ำหรือตามหา
สาวคนดีหนีความช้ำ หรือว่าเธอตามหาเขาคนนั้นกันน้ออุ่น
ข่าวว่าใจพังวุ่นเขาหลายใจไปจากน้อง
ให้เธอต้องรับกรรมเด้น้อ
คงเพราะเธอนั้นช้ำจั่งบ่ผ่านเดินกลาย
คงเสียใจหลายน้อคำอ้ายห่วงนำคนิงน้อง
เคยหล่อยหมองทุกแลงเช้าตอนเธอเป็นแฟนเขา
บ่หาญเว้าว่าสิเอ่ย อยากฮู้ข่าวเจ้าจังเลย
อยู่ไสน้อมื้อนี้หรือหนีช้ำไปนั่งเหงา เด้น้อ
ได้ยินคนส่าเว้าว่าคนฮักเจ้าหลายใจ
คงเจ็บหลายสาวคนงามค่ำมาสินอนกลุ้ม
ปัญหารุมให้เจ้าโทรมาหาอ้าย
ฝากเบอร์ไว้กับหลานชาย รับฟังได้ทุกทุกเรื่อง
หล่านางเอ้ยหากเขาใช้แฟนเปลืองกะลืมเขาเสียเถิดน้อง
สักวันต้องผ่านเหงาเด้น้อ
คอยเอาใจส่อยเจ้าให้ก้าวผ่านสิ่งนางเจอ
ฮู้แน่เด้อว่ามีไผห่วงใยบ่มีเว้น
เคยได้เห็นตอนเธอยิ้มหวานพอปานไอติม
เป็นรอยยิ้มที่สดชื่น บัดมื้อเขาไปเป็นอื่น
คือสิหมองหม่นเศร้าคงกลืนข้าวบ่คล่องคอ
ยามที่เธอนั้นท้อสิฮู้บ่พี่ชายเหงา
หลูโตนสาวผู้ใจเดียวบัดฮักกลายเป็นความช้ำ
ฝากใจนำไปออยน้อง ฝากใจนำไปออยน้อง
ยามน้ำตาไหลนองให้เธอฮู้ว่าชายห่วง
หล่านางเอ๊ย คนแอบฮักแอบหวง
เห็นเขาควงอ้ายกะช้ำ ยามเขาทิ้มอ้ายห่วงนาง
หากทำใจได้บ้าง ให้เดินผ่านแน่ทางเดิม
ยังคอยเติมแรงใจส่อยพะนางอยู่เด้อน้อง
บ่เคยมองว่าเธอแพ้ ถึงแฟนเก่าเขาบ่แคร์
อย่ายอมแพ้ให้เริ่มใหม่
หล่านางเอ๊ย มีคนห่วงด้วยหัวใจ
ไปอยู่ไสให้ข่าวอ้าย ทำใจได้ให้อ่วยคืน เด้อนางเด้อ