Te Preg

[Testo di "Te Preg"]

[Intro]
Oh, fuje, fa ampresso, oh
Yeah, ah, yeah

[Strofa 1]
Vengo da do' passane a tre 'ncopp''e 300 e fanno “uè-uè”
Ogge chiove, guardo fore 'a fenestra, penso tra me e me
Fermo fore addò m''a faccio, chisto vene e dice: “Che hê avè?"
Quando vonno fa' 'e criminale dint''e canzone, je faccio: “Seh, seh”
Sento 'o treno che passa
Je m'arricordo quando stevemo seje, sette 'e nuje abbascio
Cu miezzo piezzo ncopp''o mezzo e cu na base che scassa
Zumbavo 'a classe pe ascì ch''e ruosse
'Int''e traverse a fa' 'e discorse, vulevo fa' chesto e basta
N'essere umano nun tene razza, 'o diune nun crede 'o sazio
'Int''e riune quase nisciune d''e guagliune tene spazio
Dincelle ca so' turnato, dà na voce 'mmiez'â piazza
Passe p''o cazzo, chist'anno stongo a pazzo, yeah, ah
Pecché ccà 'a gente è triste? Pecché 'o future nun esiste?
Pecché nu muorto ha dda fa sempe cchiù nutizie?
Conta comme te cumpuorte, segna 'a nota 'int''o registro
'Ncopp''o beat faccio 'e muorte, 'ngarro 'e note e po 'e registro
E nun me pozzo cchiù fidà d''e persone addò so' nato
T''a puntano 'nfaccia pe nu paro 'e scarpe Prada
P''o piacere ca c'hê cercato, chillo 'e ll'anno passato
Chello c'hê ditto nun va pesato, stipete tutt''a mesata
Je, je 'e mantengo, nun 'e spengo 'int''e serate
Siente 'o friddo d''a vernata, 'mmiez'ô schifo d''o degrado
Nun ce steve danno niente, nu taglio 'nganna m'ha gelato

[Ritornello]
Crideme, te prego, è chello che veco
Si nun staje cu'mmé, je comme t''o spiego?
Crideme, te prego
Crideme, te prego
Crideme, te prego
Crideme, te prego
'Sta strada è na cundanna e 'a sofferenza nun tene tregua

[Strofa 2]
Crideme, te prego, mostrame e te seguo
Allucco 'ncopp'a na muntagna, ma nun sento l'eco
Yeah, tiempe d''a Fubu e felpe 'e l'Ecko
Me trovo 'int'a nu mare 'e squale, je ce nuoto e nun annego
Vulesso cagnà strada, ma coccosa me lega
Pe comme pienze e comme parle, penso: "Napule è nu spreco"
E na semmana 'e ferie, turnasse 'e scole medie
M'hanno ditto ce sta 'a cura, ma je 'o saccio, nun ce sta rimedio
CoCo me dicette: "Crideme, nun te fermà, che 'sta robba è pe sempe"
Ogni mese faccio 'e corse, vaco appriesso 'o stipendio
Nun veco 'a luce e veco 'a meta
'A che dipende? Trovo 'a risposta 'int''o silenzio
Vide, nun tengo tiempo pe chi fa 'e l'odio na ragione
Pe chi fraintende e nun vò capì, pe chi nun mette passione
Se sbatte e se crede Dio, ma quando sta 'int''a situazione
S'arrenne e nun fa niente, po giudica e guarda 'o mio
E nun mento, ê vote torno areto e guardo 'e foto vecchie
Me guardo ô specchio: mo chi songo?
Cagneno 'e persone, è nu minuto, è nu sicondo
'Sta vita nun fa sconte, tu sî pronto p''o scontro?

[Ritornello]
Crideme, te prego, è chello che veco
Si nun staje cu'mmé, je comme t''o spiego?
Crideme, te prego
Crideme, te prego
Crideme, te prego
Crideme, te prego
'Sta strada è na cundanna e 'a sofferenza nun tene tregua