Ddu palummi

[Testo di "Ddu palummi"]

Supra 'na casa vitti du' palummi
Supra di iddi l’occhi mia pusaru
Li vitti a cumpuneddu suli suli
'Na gioia di lu cori mi scinniu

D'intra di mia dissi e pinsau:
Cu' sapi si puri iddi hannu pinzeri
O forsi un nn'hannu vuci pi gridari
Lu so duluri nuddu 'u po capiri

Si comu a mia batti lu me cori
Lu sangu d'iddi è russu comu a nui
Palummi ed acidduzzi sunnu eguali
Hannu la carni, lu sangu, e lu cori

Biati iddi chi lu ponnu fari
Cancianu celu vulannu cu l'ali
Biati iddi chi lu ponnu fari
Cancianu celu vulannu cu l'ali