D'zeit hoilt alle Wunda

I war a in mi kehrts Ked
I hau koine Leid braucht
I hau au immer a bissle kämpft mit mr selbscht
Und war halt liabr still
Deswega hau i au lang nix gsäd als du mi oglangt hosch
Ned wia a Onkel, ned wia a Vaddr,
Du hasch mi oguggt und oglangt wia a Mo a Frau
Und i hau ed gwisst, wia i dr auskomm
I hau Angscht ghed vor dir, du warsch ganz verruckt
Gschnauft hasch wia a Dampflock, wenn mi gseha hasch
Nochgfahra bisch mr nachts, Briaf hasch mr schrieba,
Wo di grechtfertigt hasch, dass des normal sei, was du willsch
Gleichzeitig hasch so doa als wärsch a Vaterfigur für mi
Und i hau immer no nix gsäd, weil alle so zu dir aufguggt ham,
Dr Greaschte warsch, d Leid waran schtolz wenn´s griaßt hasch auf dr Stross
Und i hau bloß sterba wella
D´Zeit hoilt alle Wunda bloß langsam
Doch wenn vergeaba kosch gheart dr dia Welt
D´Zeit hoilt alle Wunda ganz langsam
Bei mir
D´Zeit hoilt alle Wunda bloß langsam
Doch wenn vergeaba kosch gheart dr dia Welt
D´Zeit hoilt alle Wunda ganz langsam
Bei mir
Irgendwann hau i´s dann doch verzählt
Aber d´Polizei hat mi bloß gfrogt, warum i ned noi gsäd hau
Des war fascht no schlimmer als dei Wahn auf mi
All mei Kraft hat´s koscht, aufs Gricht zum ganga
Drnoch hasch mi nemme kontaktiera derfa und zahlt hasch au gscheid,
Aber im Endeffekt waren deine schicki micki Freind immer no deine schicki micki Freind
Und bis heit hab i mei Gosch ghalda, wenn jemand über di spricht
Und derweil bisch du zu andere genauso gwest wie zu mir
Wenn i di zufällig irgendwo sigg, versteck i mi vor dir, weil i immer no Angscht hau vor dir
Nach so viele Jauhr bin i immer no a gloin´s Mädle wega dir.
Und i bin ned di oinzig. Du hasch mir und andere unendlich weah doa
Und wir sind immer no Opfer und koinr wills heara.
Du hasch bloß a Glick dass i mein Glauba ernscht nimm
Und Nächstenliebe für mi ned bloß a Wort isch
Aber des Liad, des Liad schrei i naus in d Welt, auf dass mi endlich oiner heart
Alle solln mi heara, i hear neme auf, von dir zum verzähla!
D´Zeit hoilt alle Wunda bloß langsam
Doch wenn vergeaba kosch gheart dr dia Welt
D´Zeit hoilt alle Wunda ganz langsam
Bei mir
D´Zeit hoilt alle Wunda bloß langsam
Doch wenn vergeaba kosch gheart dr dia Welt
D´Zeit hoilt alle Wunda ganz langsam
Bei mir, bei dir
Bei os, bei eich, bei deane
Bei mir und bei os, bei eich
Bei os, bei eich, bei deane
Bei mir und bei os, bei eich