Blompatrone

Dra my terug my lief en bly
Bly by my by
Praat in ons oue eie taal
Wanneer laas was jy kaal?
Was jy kaal?
Was jy kaal?

Salf my voorkop
Byt my wang
Laat my arm by die bed af hang
Dreig die liefde uit my keel
Steek dit weg as jy dit steel
As jy dit steel
As jy dit steel

Ons slaan ʼn tent op my bed op
Ons hou die blompatrone dop
As die son deur die laken skyn
Sê net weer jy’s lief vir my
Die siekte gaan my onder kry
Maar my liggie sal skyn

Ek kan sien ons het al twee iets hier verloor
Maar jy kan my jas leen
Sit jou bors teen my oor
Ek sal ʼn ster vir jou gaan vang
As die sterre laag kom hang
Jy kan dit opsit in ons huis
Dit kan saam met die sonbesies
Saam met die yskas suis

Ons slaan ʼn tent op my bed op
Ons hou die blompatrone dop
As die son deur die laken skyn
Sê net weer jy’s lief vir my
Die siekte gaan my onder kry
Maar my liggie sal skyn