Schneemobau-Zwiefacher (Lustiges Kinderlied vom Schneemannbauen)

Heit, heit, heit hat’s gschneit bei der Nacht - bei der Nacht
Gscheit, gscheit, gscheit hat’s heit gschneit
Und, und heit hat da Papa Zeit - Papa Zeit
Weil, weil Samstag is heit

Also, Papa vom Bett raushaun - Bett raushaun
Auf geht’s zum Schneemobaun
Papa, Papa, heit is soweit - is soweit
Mei, mei, hat si der gfreit

Weil heit, heit, bau ma an Schneemo - Schneemo
Und, wos? Und a Schneefrau
Weil, wos? Schnee hamma eh no - eh no
Und? Dann? Passt’s ja genau

Und dann kommt aa da Martin no - Martin no
Traudi, Michi und Flo
Hauruck, schiab ma de Kugl o - Kugl o
Jetzt is da Papa dro
Papa, Papa, der schnauft a so - a so
Er is sonst im Büro
1, 2, 3 Kugln hat er scho - hat er scho
Jetzt do, schaugts eich des o

Weil heit, heit, bau ma an Schneemo - Schneemo
Und, wos? Und a Schneefrau
Weil, wos? Schnee hamma eh no - eh no
Und? Dann? Passt’s ja genau

Glei, glei, glei hammas baut de zwoa - baut de zwoa
Für’n Mund brauch ma no Stoa
Kohln, Kohln, Kohlen san für de Augn - für de Augn
So, so, jetzt können s’ schaugn

Für de Nasn a gelbe Ruam - gelbe Ruam
Holn, holn, holn glei mir Buam
Topf? Kopf? Suppentopf steht eahm guat - steht eahm guat
Sie, sie, sie kriagt an Huat

Weil, heit, heit hamma an Schneemo baut - Schneemo baut
Und? Wos? Und a Schneefrau
Und? De, de werdn jetzt glei getraut - glei getraut
So! Jetzt! Sagts beide: Ja!