SPERANCA

Manga di cussas passaba
Tcholonaduris tchiu na djurmenta
Troqui sperança di púbis
Riba na se corçon
Sperança di um pés
Na cada fim di mis
Pa quil mininus na morança
Pa ca é tchora fomi
Nim calerom pa ca e firia

Púbis interga sé distino
Na mon di quilis cu luta
Que se fiança
Cussas saino rébés
Cussas saino
Aós no na curi pa li pa la
Na randja djitu di n’ djita bida
Cussas ca muda

Pa tudo quilis
Cu da sé bida pa é tchom
Na djurmenta
Ma si deus tem
Guiné bu cana fica sim

Ma na sé metadi aós
E tem utru guintis
Tambi cu ta papia
E tem utru guintis

Tambi cu ta fala
Quil cu é na sinti
Ma son sé comberça cu ta passa

Nim si praga nim si mal fitu
Nim si castigu di deus
Bó para dja

Guiné Guiné
Bu cana fica
Sim dé