تبختر
Turki Al Moshigah
قالوا لي اوصف
قلت والله ما اقدر
وشلون ابوصف
شي فوق الخيالي
وان قلت جفنه
فوق عينه مخدر
وفي مبسمه
نور لعتم الليالي
ماكني الا صايم ماتسحر
ولا كما مفطر بليا هلالي
لامن طرالي
قلت الله اكبر
سبحان من صور
عليه الجمالي
يالله صبرني
وانا كيف ابصبر
على الذي
من بدة الخلق غالي
يكبر ومن حقه علي يتبختر
دام ان مقداره على الناس عالي
هذا الجمال
اكبر من الوصف واكثر
كله على بعضه
جميل و مثالي
اعذب من التعبير
لو جيت اعبر
ماله شبيه
ولا لحسنه مثالي
قالوا لي اوصف
قلت والله ما اقدر
كامل ولله العظيم الكمالي