Mena ya Mena
منه 000 يامنه
منه 00 يامنه 0000 يارب تنامى ياننه
منه ياحياتى 00 آدى واحده من حكاياتى 00 طبعا نبتدى كالاتى
كان مره 00 يحكى ان
الست فرخه هانم 00 نازله على السلالم
سايبه فى البيت كتاكيتها 00 سلمى 00 وسليم 00 وسالم
رايحه سوق التلات 00 تشترى سكر نبات
قالت ما تفتحوش 00 الباب للديب بالذات 00 ومشيت مطمئنه
منه 000 يامنه 00 يارب تنامى ننه
الديب خبط على بيتهم 000 وقلد صوت مامتهم
قالو افتحو ياولادى 00 فتحوا له 00 قام خابطهم
وخدهم على عنوانه 00 وعزم اهله وجيرانه
علشان ياكلوهم 00 هم 00 هم
وقعد يسن سنانه 00 ويحمى سنه سنه
منه يامنه 00 يارب تنامى ننه
سلمى كانت كتكوته 00 كلها قد الفتفوته
لكن شاطره وبتفهم 00 زى الست الستوته
بصيت حواليها 00 اتارى 00 الديب سرحان مش دارى
هربت ووراها اخواتها 00 والديب شافهم قام جارى
لكن متاخر سنه
منه يامنه 00 ياللى انتى نمتى ننه
الحدوته توته 00 توته 00 توته
وانتى بتاكلى ياكتكوته 00 رز بلبن فى الجنه
-