سكر البوح [Original]

ما يطرب المغنى إذا الوصل معدوم لا القلب يتمـــايل .. ولا العــين قرَّت
ما يطـــرب الاّ لـــو لفــى سيّد القوم الغالــــي اللـــي لـــه عـيوني تحرّت
مني ســــلام ٍ مــــاه ديمــوم ديمـوم للي وســـط عــيني صـوره استقرّت
ألبوم في فكـــري وفــي قلـبي ألبوم غــــير الــــذي بين الحــــنايا تورّت

اللــــه يا محــــلا الوصــل بيننا دوم ومحـــــلا ليالي قبل هالعـــام مــرّت
بالفضفضه والبوح وعلــوم وعلـوم حتى ليالـــي البرد بالوصــــل حـرَّت
بيني وبينه سكّـــر الــــبوح مقـسوم وشموع من دفــو المواصــل تعـرّت
واللــه ما تفـــارق خــيالي ولا يــوم ليلـــه بها قلــــوب الموالــيف سِرّت

لا يمكـن انسى حب من غاب ملزوم دام المشاعـــــر ما نســت أو تبـرِّت
صـــورة محمّد فرحة الأمس واليوم واربع حروف ٍ في الضلوع استقرّت
ما يطرب المغنى إذا الوصل معدوم لا القلب يتمـــايل .. ولا العــين قرَّت
ما يطـــرب الاّ لـــو لفــى سيّد القوم الغالــــي اللـــي لـــه عـيوني تحرّت