ABOUT

Түүнийг чи хорголж дийлэхгүй ээ
Тэр шийдсэн
Түүн шиг зориглож хэрэггүй ээ
Тэр мэднэ ээ

Орцны гадаа орилоон чарлаан
Оройн цагаар түүнийд найзууд шавна аа
Орж гардаг бодлууд бүгд олиггүй заваан
Ойлгож байна найз минь чи орхиод явдаа
Байнга тэр өөрийгөө гэмтээх дуртай
Буудалд биш зөвхөн гэртээ л тухтай
Бачуурна орилно тэр гэнэтийн ууртай
Болино гэж бодсон ч тэр гэхдээ л дуртай
Бүдрээд босно түүний туулах зам
Бусдаас гуйдаггүй тэр гуйлгачин
Буруутгана түүнийг бүгд тулгасаар
Болдог бол түүний өмнөөс уйлах сан
Таагүй бодлууд түүнийг тэвэрнэ удаан
Тэвэрч үнсэх охины төрх нь худлаа
Түүнд минь хань болсон тамхины утаа
Татгалзсан амьдралыг танингуутаа

Түүнийг чи хорголж дийлэхгүй ээ
Тэр шийдсэн
Түүн шиг зориглож хэрэггүй ээ
Тэр мэднэ ээ
ТӨРНӨ ГАНЦААР
ҮХНЭ ГАНЦААР
АМЬДРАЛ ГЭДЭГ БОЛ ҮХЭЛ ХАГАЦАЛ