Nie zo spät
Övver Wiese, övver Felder
Övver Birje, övver Städte, övver't Meer
Övver Sand un övver Wälder
Övver Wolke, ir'ndner Sehnsucht hingerher
Zick steht still, fleeje met der Sonn
Secher's nur
Die weed och diss Naach ungerjonn
Schlööfs du wirklich, oder dös du
Dinge Kopp op minger Schulder deit mer joot
Nä, dat woor bestemp kei joot Johr
Schon erstaunlich, dat et su wigg kumme moht
Wo ess, Norden, wenn dä Kompaß nimieh stemmp
Su wie't ussieht simmer janz schön durch der Wind
Mer säht, et wöhr nie zo spät, niemohls zo spät, nie zo spät
Mer säht, et wöhr nie zo spät, niemohls zo spät, nie zo spät
Mer säht, et wöhr nie zo spät, niemohls zo spät, nie zo spät
Luhr, do unge litt Havanna
Wollte mir do nit vüür Johre schon ens hin
Oder jing et do öm Tanger
Oder Sansibar, oder doch bloß öm Wien
Loss ding Hand do, wo se litt
Wer säht dann, dat et kein Wunder jitt
Mer säht, et wöhr nie zo spät, niemohls zo spät, nie zo spät
Mer säht, et wöhr nie zo spät, niemohls zo spät, nie zo spät
Mer säht, et wöhr nie zo spät, niemohls zo spät
Mer säht, et wöhr nie zo spät, niemohls zo spät, nie zo spät