Widderlich

Wer nur Hass säht, dä weiß, dat Jewalt druss entsteht
Wer op Neid setz, dä weiß, wie dä Pöbel met Fremdem ömjeht
En 'nem Ellboore-Land, wo mer Sündebock schon ens verbrannt
He spart üch die Kränz, ihr künnt mich nit blende
Die Betroffenheitsphrase sinn zynisch, su falsch
Wie Krokodilsträne

Ihr sitt widderlich, nimieh zo erdraare
Ihr sitt penetrant
Wohre Asoziale
Ihr sitt ignorant
Wat kammer vun üch schon erwaade?
Karrierejeil sitt ihr Versaager, sons nix
Ihr sitt widderlich!

Während ihr ohne Skrupel Grundräächte verkrüppelt, zersägt
Un en Talkshows op dufte maht, domet dat janit opfällt
Freut ihr üch weg, wenn unsereins schön brav dä Pausenclown mäht
Dat die Welt nur nit denk, et künnt noch ens passiere
Deit mer leid, keine Schlaach mieh, sulang Schleimer wie ihr
Dat Land he rejiere.

Ihr sitt widderlich, nimieh zo erdraare
Ihr sitt penetrant
Wohre Asoziale,
Ihr sitt ignorant
Wat kammer vun üch schon erwaade?
Karrierejeil sitt ihr Versaager, sons nix
Ihr sitt widderlich!

Wie künnt ihr üch selvs em Spejel erdraare?
Wenn ihr't Unschuld de Häng wäscht, en Kameras strahlt
Litt üch dann nix em Maare?