Do han sen en d’r Ärm jenomme
En 'nem Jroßraumbüro soß d'r Hein 30 Johr
Hät Dach für Dach brav sing Flich jedon
Ävver jestern öm 4 stund d'r Chef
En d'r Dür un saat: "Wer sin Sie denn
Was machen Sie hier?"
D'r Hein flippten us
Sprung zum Finster erus
Me'm Computer ungerm Ärm
Hä kom ungen ahn un sat: "Wat es loss?"
Denn sing Büro dat looch nur et Erdjeschoss
D'r Chef jing direk an et Telefon dran
Un schon komen vier wieße Kiddele an:
Un dann han se'n en d'r Ärm jenomme
Ärm jenomme, Ärm jenomme
Un dann han se'n en d'r Ärm jenomme
Un alles wor widder jot
Un dann han se'n en d'r Ärm jenomme
Ärm jenomme, Ärm jenomme
Un dann han se'n en d'r Ärm jenomme
Un alles wor widder jot
Familije Denz em flammneue Benz
Fuhr met sibbe Pänz op d'r Autobahn
Ne herrliche Dach un keiner dach
Dat an su enem Dach jet passiere kann
Doch hinger 'ner Kurv'
Do stund op d'r Stroß
'Ne schöne Pappkarton
D'r Papa da sät: "Nu paßt jetz ens op
Wie m'r su e Ding vun d'r Stroß eravstupp"
Do jov et 'ne Knall, d'r Wage wor hin
Denn en dem Karton wor en Wäschmaschin dren
Un dann han se'n en d'r Ärm jenomme
Ärm jenomme, Ärm jenomme
Un dann han se'n en d'r Ärm jenomme
Un alles wor widder jot
Un dann han se'n en d'r Ärm jenomme
Ärm jenomme, Ärm jenomme
Un dann han se'n en d'r Ärm jenomme
Un alles wor widder jot
Em Jürzenichfoyer stund am Pausenbüffet
'Ne staatse Käl en Uniform
Schön brungjebrannt, en Zijar en d'r Hand
Schott hä die Jläser voll bes zom Rand
Leer wor die Fläsch, do feel im sing Äsch
In ein tiefes Dekolleté
Däm Schoß floch vür Schreck d'r
Teller an de Deck
Sing Botz hatt nen herrliche Julaschzuppfleck
Un dann han se'n en d'r Ärm jenomme
Ärm jenomme, Ärm jenomme
Un dann han se'n en d'r Ärm jenomme
Un alles wor widder jot
Doch dann esse uss d'r Botz jesprunge
Botz jesprunge, Botz jesprunge
Un hä hät dobei Helau jesunge
Dat kom üwerhaup nit esu jot
Un dann han se'nen d'r Aasch jetrodde
Aasch jetrodde, Aasch jetrodde
Un dann han se'nen d'r Aasch jetrodde
Un alles wor widder jot
Un dann han se'n en d'r Ärm jenomme
Ärm jenomme, Ärm jenomme
Un dann han se'n en d'r Ärm jenomme
Un alles wor widder jot