Dreckelich Kaff

Noch ene Morje ohne Ziel
De Sonn, die wees de hee nit sinn
Hau endlich av, säht mi Jeföhl
Schlemmer kann et nirgends sin

Un dä modrije Jeroch
Oh ich hass' en wie de Pess
Wäm fällt schon op, wann do hee fähls
Wäm fällt schon op, wann do jetz geihs

E dreckelig Kaff e dreckelig Kaff
E dreckelig Kaff ich haue hee av

E dreckelig Kaff e dreckelig Kaff
E dreckelig Kaff ich haue hee av

Dä feuchte Nevvel mäht mich krank
Ich spür en ald am janze Liev
För dä Aal do op der Bank es et ze späd
Ich jläuv dä bliev

Och för die Amsel, die nie sung
Die jar nit weiß wat singe es
Hee jitt et nix, wat do vermähs
Weil de hee nix jefunge häs

E dreckelig Kaff e dreckelig Kaff
E dreckelig Kaff ich haue hee av

E dreckelig Kaff e dreckelig Kaff
E dreckelig Kaff ich haue hee av

Ich well zeröck noh Kölle jonn
Ne Vugel fingk si Stöckche Brud
Ich sehn' mich noh der kölsche Sonn
Hee waade ich nor op der Dud

Wann de noch wigger üvverlähs
Dann künnt et sin, dat do et nit mähs
Hee jitt et nix, wat de verliers
Weil de nix verlore häs

E dreckelig Kaff e dreckelig Kaff
E dreckelig Kaff ich haue hee av

Jo, e dreckelig Kaff e dreckelig Kaff
E dreckelig Kaff ich haue hee av