Hämmche

Ich han als Kind nit jot jejesse
De Mamm saat immer: "Jung, du muß"
Noh Kühl un Kappes moot ich breche
Dat Zeuch kom immer widder 'rus
Nur eins, dat han ich jän jemoch
Un dovun krät ich nie jenoch:
Allein schon,  wenn ich et roch
Su e lecker Hämmche

Jet späder han ich 'rusjefunge
Dat et noch jet anderes jov
Op dat ich unwahrscheinlich stund
Dat wor, als ich mi Rosie trof
De Beinche stramm un nit zo dönn
De Bäckche zart, rusich un fing
Schon leef mer et Wasser üvver et Kenn
Denn ich dach an Hämmche

Hämmche - für e Hämmche loß ich alles ston
Hämmche - für e Hämmche wöd
Ich bes noh Neppes jon
Hämmche - für e lecker, lecker Hämmche
Hämmche - wat wör e Lääve ohne Hämmche wät
Hämmche - su e Hämmche es
D'r Himmel op d'r Äd
Hämmche - su e lecker, saftisch Hämmche

Ich ston mem Auto vör d'r Ampel
Die es ald lang op Jrön
Hinger mir e Hupkonzert
Ich drieh mich janit öm
En wieße Jack kütt op mich zo
Un schriev jet op e ne Zeddel drop
Ich jewe ming Bestellung op:
Herr Ober, bringen Se bitte en Hämmchen

Hämmche - für e Hämmche loß ich alles ston
Hämmche - für e Hämmche wöd
Ich bes noh Neppes jon
Hämmche - für e lecker, lecker Hämmche
Hämmche - wat wör e Lääve ohne Hämmche wät
Hämmche - su e Hämmche es
D'r Himmel op d'r Äd
Hämmche - su e lecker, saftisch Hämmche

Ich fahre wigger wie em Draum
Plötzlich hür ich wie et kraach
Op eimol sin ich dausend Hämmche
Dann weed ich em Himmel wach

Ich jov däm Petrus minge Löffel af
Dann jommer en d'r Speisesaal
An 'nem Desch, su wie beim Sion
Jo, do soßen se schon all:
D'r Willi Ostermann, die Läsche Nas
Un och d'r Karl Berbuer
Jo, un die schmesse met de Knoche
Noh mir und reefen: Jung, küss e beßje spät
Hück jov et Hämmche

Hämmche - für e Hämmche loß ich alles ston
Hämmche - für e Hämmche wöd
Ich bes noh Neppes jon
Hämmche - für e lecker, lecker Hämmche
Hämmche - wat wör e Lääve ohne Hämmche wät
Hämmche - su e Hämmche es
D'r Himmel op d'r Äd
Hämmche - su e lecker, saftisch Hämmche
Hämmche